人類好多時候都想嘗試預知未來,而背付一個國家國運嘅統治者就更加想預知。歷史上著名嘅皇帝乾隆亦都唔例外,之不過算命就算命啦,到底個算命先生算咗咩出嚟,最終令到乾隆下命將佢處死呢?今次阿史就同大家講一講啦!
喺康乾盛世當中,其實乾隆都算係歷史上難得嘅一位帝皇,而佢經常都微服私訪,前往民間了解了解,喺呢啲過程中佢亦都殺死唔少貪官以及一位算命先生!相傳有一次,佢就喺街頭遇到一位算命先生,佢自己對於呢個人物係咪高手都真係心中存疑,而算命先生好快就意識到眼前呢位人物唔係普通人。
當時,乾隆就同算命先生要求隨意起一卦,而算命先生就希望乾隆下一個命題畀佢。當時,乾隆就叫佢算下自己到底係邊個。結果,算命先生好快就輕聲講出乾隆真實身份,仲順口講埋喺佢治下嘅百姓安居樂業景象。當時乾隆係好高興,仲順口叫佢算一算自己有幾耐命。
之不過,無論算命先生點答都係,對皇帝而言都好難滿意。當時算命先生就回應乾隆係可以活到86歲,如果選擇退位仲可以多活三年。對於算命先生嘅本事,乾隆其實係冇質疑,但就因為怕佢泄露自己身份,最終都係派待衛殺咗佢,真係陰公!
原圖嚟自網絡