前幾日阿史個北京朋友俾咗段新聞嚟，話北京豐台站重新營運。可能身在香港嘅史友唔知呢個火車站有乜特別，其實响中國歷史上豐台站都算係相當有名。
位於北京城西邊嘅豐台火車站，其實係北京市最早出現嘅火車站，响1895年開工修建，1896年建成投入使用。但係當時滿清政府無錢又無技術去起鐵路，於是津蘆鐵路督辦胡燏棻向英國借款40萬英鎊，開創咗借洋債修鐵路嘅先河。
不過咁，响當時而言，鐵路呢樣嘢對中國人而係破壞風水嘅邪物，所以一個火車站响滿清帝國首都出現絕對係一件大事。不過，呢個火車站就响1900年義和團之亂中被破壞，要到1901年先再投入服務。