香港故宮文化博物館即將喺7月初就對外開放,呢座佔地面積達到1.3萬呎嘅七層建築係會設有九大展覽,分別展出914件由北京故宮博物院借出嘅文物,唔少都係國家一級文物。咁到底當中嘅特別展覽有咩係必睇嘅呢?今次阿史就帶大家率先睇下啦!
館內設有九大展覽,其中兩個就會以8號展廳「國之瑰寶──故宮博物院藏晉唐宋元書畫」以及9號展廳「馳騁天下——馬文化藝術」作為特別展覽。既然叫得做特別展,展期就只係得三個月至六個月,所以要睇就真係要趁早。喺8號展廳當中,就匯聚晉、唐、宋、元經典書畫名作,部分更加係書畫家傳世孤本,而當中最全長992.5厘米《江山萬里圖》絕對係展覽嘅必睇亮點!
而香港故宮文化博物館除咗有北京故宮借出嘅文物,仲有13件來自法國羅浮宫、以馬為主題嘅世界藝術藏品,就好似人牽馬鐘、特修斯與半人馬像都相當之有睇頭!
原圖嚟自網絡