話說最近阿史响某社交媒體個度見到，話有以前有外國人影得咗滿清光緒帝嘅真人照，仲話相中嘅光緒真人靚仔過畫像。嘩！係真唔係呀？
相中人靚唔靚仔係見仁見智，不過呢批响網上流傳嘅光緒照，似乎可信度成疑。好似圖中呢張咁，相中呢位仁著住嘅係大清新軍軍裝，响以往階層觀念咁重嘅年代光緒做為皇帝就應該無乜可能戴成咁。關於光緒真人照呢個問題，曾經有人就提出過點解個陣咁多權貴都有影過相，甚至慈禧太后本人都成日影相，就係光緒好似一張相都無留低。關於呢個問題，有人就推測可能係慈禧太后响光緒發動政變失敗後，就將光緒喜歡嘅西洋器具全部銷燬，或者咁就令到佢一張相都無留低；亦有人推測光緒貴為九五之尊，西洋攝影技術响當時被認為係會將人嘅魂魄懾走，所以一定唔可以俾皇帝影相。至於真相係點？可能要問米問下光緒先知。
原圖嚟自網絡