就喺尋日,有一件震驚世界嘅事件發生,呢件事亦都被學者認為係繼大幅擴大擁槍權後,另一件逆民意而行,令到美國「人權」大倒退嘅事件,就係美國合法墮胎正式成為歷史喇!
點解美國合法墮胎會成為歷史呢?原因就係美國最高法院裁定推翻1973年「羅訴韋德案」裁決,並且會除憲法近半世紀以來對女性墮胎權嘅保障,換言之日後全美半數州份有可能會實施極為嚴苛墮胎規定,甚至完全唔容許墮胎。雖然墮胎喺某種意義上都係對生命造成損害,但更多嘅情況都係一種尊重女性嘅權力。
咁到底當初美國嘅合法墮胎又係點嚟呢?就係源於「羅訴韋德案」喇!呢宗案件嘅事主係美國德州女服務生Norma McCorvey意外懷孕,為咗可以合法墮胎佢就選擇謊稱遭到強姦。但點知呢個方法唔成功,佢轉去一間地下墮胎診所,但點知都遭到警方查封。去到1970年,當時律師Linda Coffee就為已經化名Jane Roe嘅呢個女性起訴代表德州達拉斯縣司法長官亨利·韋德,指控德州禁止墮胎法律侵犯女性人權,認為呢條法律係侵犯原告受到美國憲法第九修正案所保障權利。
結果,呢宗「羅訴韋德案」喺1973年1月22日,聯邦最高法院以7比2比數認定德州刑法限制婦女墮胎權規定,自此呢宗就成為重要嘅案例喇!而如今「羅訴韋德案」被推翻,相信就會為美國女性嘅人權帶嚟重大嘅影響。
原圖嚟自網絡