早排阿史就同史友們講到,喺秦始皇帝陵K9901陪葬坑中部,考古團隊就搵到一個發掘時相當殘破嘅百戲俑。喺經過將72塊殘片以及12袋殘渣組成修復後,一個造型奇特嘅仰臥俑就修復完成。
以為咁樣就已經完?當然未啦!隨住考古團隊對呢個仰臥俑進一步研究,又再喺當中搵到一啲新發現喇!喺進行嘅時候,考古團隊就運用咗泡沫、沙袋等材料輔助拼對,以環氧樹脂進行粘接,等所有材料凝固後使用手術刀、牙科鑽、砂紙等工進行修型。而喺完成呢啲步驟後,專家仲對仰臥俑進行數字化保護修復,即係構建文物表面以及幾何形態建模記錄等。
喺呢啲過程當中,專家就喺文物表面發現指紋印痕,而經過比對指紋數據庫,就發現製作28號百戲俑嘅工匠應該就係一個青少年。一個睇嚟簡單嘅發現,背後就真係充滿考古人員嘅浪漫。
原圖嚟自網絡