喺自幼學到嘅一啲生物知識當中，我哋認知嘅古代人都會因為飲食營養唔夠多元、生活唔夠健康而令到發育唔健全，體型亦都唔會好似現代人咁高大。之不過，事實又係咪真係如我哋所想呢？今次阿史就同大家講一講啦！
近排2022夏文化論壇就開始舉行，有唔少考古團隊同埋學者都聚首一堂去探討一啲有趣嘅考古問題。其中，嚟自河南省文物考古研究院嘅孫蕾指出，雖然古代人同埋現代人獲取嘅營養以及抵抗力等等都係唔同，但其實男性、女性嘅平均身高都係好相似！例如就以龍山到二里頭時期遺址嘅遺骸進行比較，即係新石器時代晚期到青銅時代早期，呢個時期嘅女性最高身高為168cm、男性最高身高就去到175cm；而二里頭時期女性最高就只有155 cm，男性就有170 cm。
雖然呢度所展示嘅樣本可以證明其實4000多年前古人身高其實同現代人差唔多，但由於營養攝取不足，古代人牙齒好多都會喺生前就脫落，而且部分人類骨骼仲會出現退化性關節炎，真係估佢唔到！
原圖嚟自網絡