上次提及過蔣介石臨終前同佢個仔蔣經國講唔可以放過張學良,結果就軟禁到蔣經國死埋張學良先有機會重獲自由,其實除咗張學良外,孫立人都有類似遭遇。
孫立人係民國時期著名軍人,响抗戰期間係中國遠征軍嘅重要將領之一,响蔣介石政權退到台灣後,孫立人先後被委任為陸軍總司令。不過,當時戰敗兼失去美國支持同信任嘅蔣介石,就一直好擔心孫立人會得到美方支持取而代之,於是就想盡辦法打壓呢位將領。結果,响1955年發生郭廷亮案,當時郭廷亮被懷疑同中國共產黨有連繫,由於佢係孫立人舊部,所以連佢都受到牽連,軍統局長毛人鳳仲話孫立人係間諜。最終,孫立人被軟禁响台中家中三十三年。
直至1988年,李登輝上台後先解除孫立人嘅軟禁,孫立人重獲自由,當年佢已經87歲。而响1990年,孫立人辭世,享年89歲。
原圖嚟自網絡