今年係香港回歸祖國嘅25周年，繼續同史友們介紹一啲回歸前後發生過嘅歷史故事。喺1970年代中期，由於新界嘅土地係由《展拓香港界址專條》租借而來，以99年為租借期限嘅新界將會喺1997年6月30日期滿，到時英國將會失去喺呢片土地上嘅所有權利，亦都係因為呢一點，令到中英雙方都準備就香港前途問題展開談判。
喺中英雙方展開談判前，連任首相嘅戴卓爾夫人就率先提出多項主張，例如就有「以主權換治權」以及「三腳櫈」呢一招。所謂嘅「三腳櫈」，其實就係想將原本只有中國以及英國嘅談判，強行將港府加入其中，企圖造成中、英、港三方共室商議。
之不過，「三腳櫈」呢一招小動作好快就被中方堅決駁斥，理由係解決香港問題嘅外交談判係中國同英國兩個主權國家之間嘅事，香港政府只係一個地方政府，而唔係一個獨立政治實體，所以根本冇資格作為一方「鼎足而立」參加談判；而且，香港嘅居民絕大多數都係中國人，更加冇可能由當時嘅港府代表，所以當時香港前途談判「沒有三腳凳，只有兩腳」！
原圖嚟自網絡