提起張明敏呢個名,有返咁上下年紀嘅史友可能都會知道佢唔單止係第一個登上春晚嘅香港歌手,佢更加喺八十年代嘅中國被稱為「民族歌手」。到底呢位傳奇人物做過啲乜呢?阿史今次就同大家講一講啦!
張明敏雖然後來成為一個歌手,但佢最初其實只係出任貨物檢驗員、廠房監工、電子錶加工廠老闆等職業,同演藝其實係冇乜關係。但去到1976年,佢就開始參加多個公開歌唱比賽,更加喺「全港工人歌唱比賽」以及由香港電台主辦嘅「全港業餘歌手歌唱比賽」兩奪冠軍,並且同永恆唱片簽咗歌手合約。當時台灣嘅校園民歌興起,佢就以普通話翻唱翻錄一啲民歌,因而得到「民族歌手」嘅稱號。
然而,翻唱翻錄並唔係張明敏嘅心願,於是佢喺1983年就錄咗一首《我的中國心》。中央電視台春節聯歡晚會總導演黃一鶴聽到呢首歌之後,就隨時邀請佢參加春晚。憑住《我的中國心》,張明敏唔單止多次登上春晚,本人仲風靡中國,喺內地大小城市鄉村舉行咗超過二百場演唱會,直到1990年先至返到香港投身青年社會交流工作.
原圖嚟自網絡