今年係香港回歸祖國第二十五周年，喺幾日之後嘅七月一日就係呢個大日子喇！咁史友們都知道中國恢復對香港行使主權係前人用咗唔少心力先可以做到，但大家又知唔知道點解回歸之日會係7月1日呢？今次阿史就同大家講一講啦！
其實早喺中英雙方展開談判前，英方就接連使出多個招數想「以主權換治權」、又想以「三腳櫈」嘅方式企圖造成中、英、港三方共室商議。而之所以英方會咁急於對香港前途進行談判，都係源於《展拓香港界址專條》。《展拓香港界址專條》當中就以99年為租借期限，將九龍界限街以北，深圳河以南嘅土地租借出去，但呢條1898年7月1日生效嘅條約就會喺1997年6月30日期滿。換言之，只要一過6月30日晚上11點59分，英國就將會失去喺新界嘅所有權益。
憑住呢一點再加上無數前輩所付嘅努力，最終都成功恢復對整個香港行使主權，咁所以香港回歸就會喺《展拓香港界址專條》完結之後嘅七月一日喇！
原圖嚟自網絡