香港回歸祖國25周年，唔少人都搵返25年前九七回歸時嘅人同事，最近阿史就睇咗內地官媒一個專訪，受訪者就係香港樂壇四大天王之一嘅劉德華。點解訪問佢呢？緣於佢响九七回歸個年唱咗一首歌。
呢首歌就係《中國人》，响1997年4月推出，顧名思義就係慶賀香港回歸祖國呢件盛事。而當年劉華仲响北京長城上拍攝呢首歌嘅音樂影片，一身中式長衫响長城上英姿盡顯，型到無人有。記得當年劉華响香港回歸晚會裏演唱呢首歌，後嚟响各個重要場合、演唱會都會唱，成為其中一首廣受國民歡迎嘅愛國歌曲。
25年過去，唔知今年會唔會有機會聽到劉華唱《中國人》呢？
原圖嚟自網絡