國家主席習近平今日嚟到香港，全城關注兼熱烈歡迎，而習主席將會出席聽日舉行嘅慶祝香港回歸25周年大會暨香港特別行政區第六屆政府就職典禮並視察香港。
翻查資料，習近平已經係第三次以國家領導人身份嚟到香港。第一次就係响2008年，當時係國家副主席嘅習近平，嚟香港實地考察北京奧運馬術比賽嘅籌備情況，專門抽出時間深入普通社區、居屋，了解香港普通市民生活。第二次就係2017年，當年係香港回歸祖國二十周年，亦係習近平成為國家主席後首次到香港視察。
不過，習近平主席嚟香港就唔止三次。佢响2008年嚟香港果陣就提及，佢响地方工作個陣，就曾經嚟香港數次。