今日係七月一日，係香港回歸祖國25周年嘅日子，喺當年對於所有國人嚟講，大家嘅內心都係既期待又逼切，因為呢一場交接儀式大家都等待咗過百年，而當中亦都經歷咗重重磨難，阿史今次就同大家講一講！
雖然話就話中英雙方係已經簽訂咗《中英聯合聲明》，喺1997年7月1日中國就會對香港恢復行使主權，但過程當中直到交接儀式，英方都係處處搵機會製造難題。喺1996年底，時任嘅外交部禮賓司副司長安文彬就率領交接小組展開香港籌備交接儀式。由於世上極少國家曾經咁樣做過，呢個儀式本身就已經係一個難題。
而最大難題就係，英方喺升旗禮儀式上處處刁難，甚至喺升旗時間當中拒絕畀中方多兩秒時間，而中方就必定需要7月1日零時零分零秒國旗準時升起。面對呢項刁難，當時中方代表就表示「中國香港被你們佔領了100年，而今天我們只要兩秒，你們都不同意。」
喺通過超過十次談判之後，英方嘅態度依然傲慢，而中方亦都堅決會準時升起國旗。最終英方代表戴維斯表示英國國旗會喺6月30日11時59分58秒降下，就係咁樣中方成功據理力爭搶返呢兩秒！
但事情又點會咁順利？喺升旗交接儀式又有難題發生，阿史下篇再同大家介紹！
原圖嚟自網絡