上次就同史友們講到「知縣」同埋「縣令」兩個官職到底差幾遠，今次就同史們繼續探討一啲古代嘅官職，到底「丞相」同「宰相」之間官職又差幾遠呢？
就咁睇到「丞相」、「宰相」呢兩個官職名，可能唔少史友都會覺得兩個官職應該都好類似，都係一人之下、萬人之下，但實情到底又係點呢？首先「丞相」呢個官職其實就係一個好古老嘅存在，早喺先秦時期就已經存在，甚至去到後來漢朝都一樣有設立，但去到隋朝、唐宋時期就一度消失，直到南宋以及元朝先至重新出現。喺官職上嚟講，「丞相」職位其實係低於相國，係相國嘅副手，喺秦朝時期朝堂之上甚至同時有左丞相、右丞相、中丞相，雖然官職上嚟講唔算係最大，但都有返咁上下權力。
咁「宰相」嘅地位又係點呢？心水清嘅史友可能會知道，「宰相」其實算唔上係一個官名，而係中國古代君主之下，最高職位嘅行政長官嘅通稱，呢位官員可以係太宰、相國、丞相、尚書令、中書令都可以，享有「宰相」地位嘅官名曾經係多達十幾種！咁所以，「丞相」係一直確實嘅官職，而「宰相」就係一種官職嘅代稱，至於邊個職位大啲？就要睇朝代而言喇！
原圖嚟自網絡