喺今日下午，有一個令到無數「衛斯理迷」心碎嘅消息傳出，就係著名作家、科幻小說《衛斯理》嘅作者倪匡喺今日下午離世，享年87歲。
倪匡出生喺1935年5月30日，喺1957年佢由內地移居香港，被喻為「香港四大才子」之一嘅佢，多年作品都係以武俠、偵探、靈異等題材為主。曾經用過沙翁、岳川、魏力等筆名寫作，當中就以衛斯理最為聞名，佢所創作嘅《衛斯理系列》 、《原振俠系列》唔單止喺香港聞名，甚至仲吸引到世界各地嘅觀眾追捧。《衛斯理系列》更加係由1963 年起連載，小說多達156本，其劇情先後被改編成電影、電視、廣播劇等等，真係廣受歡迎。
倪匡90 年代曾經移居美國，直到2007年先至返回香港，佢喺2012 年獲得第 31 屆香港電影金像獎終身成就獎。面對一位咁傳奇嘅人物離世，唔少市民都深感婉惜，阿史亦都相當心痛！
原圖嚟自網絡