香港故宮文化博物館正式响公眾開放,唔少市民都第一時間去湊熱鬧。之前同史友介紹咗香港故宮博物館有乜嘢珍藏,今次就想介紹下另一樣嘢,係關於北京故宮。
早前阿史就睇到篇文章,就話香港故宮响整體設計同細節上,都同北京故宮遙相呼應,其中北京故宮沿中軸線平面延伸,而香港故宮就沿中軸線立體遞進。的確,北京故宮係起响北京城嘅中軸線之上,呢條京城嘅中軸線,北起鐘鼓樓,南至永定門,全長7.8公里,貫穿北京城區中心而過,形成左右對稱格局。簡單而言故宮就係北京城最中心位置,故宮以西就係西邊,好似西單、西四、西直門都係因而得名;而東邊地就好多都有個東字,包括東單、東四十條、東直門等。至於响故宮中軸線嘅建築物,就有皇帝舉行國家大典嘅太和殿,保和殿同中和殿,而坤寧宮同乾清宮都响中軸線上。上文提及嘅「平面延伸」,基本上就係從故宮之後响南同北延伸出去。
當然!香港故宮博物館就比北京故宮細得多,可能因為咁所以「中軸線」就只能立體遞進。