1937年7月7日，响河北省宛平縣盧溝橋發生日本軍隊向中國守軍發動進攻嘅事件，呢次震驚中外嘅軍事侵略就係七七盧溝橋事變。
喺當年嘅7月7日晚，駐紥華北地區嘅日軍喺盧溝橋附近進行演習，點知日軍就聲稱演習途中有一個叫志村菊次郎嘅士兵「失蹤」，要求進入宛平城搜查。當時宛平城守軍拒絕呢個要求，結果日軍發動攻擊，駐軍第二十九軍奮起抵抗。結果﹐盧溝橋事變就演變成平津抗戰，中國抗日戰爭進入全面開展階段。
而盧溝橋始作俑者、日軍第八大隊大隊長一木清直1938年承認，當時已經接到士兵歸隊嘅報告，所以「搜查失蹤士兵」呢個說法，只係作為進軍嘅一個藉口。
原圖嚟自網絡