英國响十九世紀通過三條不平等條約，就強行管治咗香港九龍新界成百年。當年英國响世界各地霸佔咗唔少地方，原來佢哋都曾經打過澳門主意。
澳門早响明代時就開始被葡萄牙強行管治咗，最初葡萄牙响大航海時代係早期嘅海上霸主，但後嚟就被西班牙、荷蘭、英國等超越。响十八世紀末，法國出現咗位軍事強人叫做拿破崙，佢响歐洲發動多場戰爭一度令歐洲各國牙痛咁聲，葡萄牙就係其中一個國家。而响1801年，法國軍隊聯合西班牙軍隊侵佔咗葡萄牙，作為反法陣營嘅英國就採取行動，海軍同東印度公司就準備派兵到澳門，美其名係防止法國入侵，實際就係想搶佔澳門作為商埠。
不過，當時响澳門總督得知有英軍嚟到，但又無收到任何通知話會有英軍嚟，於是一方面拒絕英軍登陸，一方面搵兩廣總督吉慶尋求保護。後嚟英法之間簽訂初步停戰和議，呢次英軍企圖「入侵」澳門事件亦就咁結束咗。
原圖嚟自網絡