相信史友們都知道英國通過第一次鴉片戰爭迫清政府簽不平等條約，之後就強佔咗香港島。其實最初個陣英國仲打咗另一個地方嘅主意，仲曾經佔領過，呢個地方就係舟山。
舟山群島係位於長江口南側，响鴉片戰爭爆發初期，英軍就一度沿海北上，仲响1840年7月佔領定海，而英國當年就想將呢個地方成為自由貿易港，比起佢哋佔領香港島仲要早。不過佢哋佔領咗呢個地方七個月就放棄，原因就係英軍因水土不服搞到出現大量病亡個案，所以佢哋就離開咗舟山。
之但係，英軍响1841年第二次定海之戰後，第二次將舟山霸佔咗，但英國人後尾發現舟山呢個地方同佢哋所想像唔同，好似淡水資源不足，港口唔算太適合大型船隻航行，相對而言香港條件就好過舟山，所以英國响1846年同清政府簽訂《退還舟山條約》，結束前後佔領長達5年半嘅歲月。
原圖嚟自網絡