喺唔少影視作品當中，深宮之中嘅妃嬪由於入到重門深鎖嘅皇宮當中，而佢哋本身亦係代表住自己家族嘅身份入到嚟，自然就要不惜一切得到皇上嘅恩寵，所以終日都會勾心鬥角。之不過，歷史上清朝嘅妃嬪又係咪咁樣呢？佢哋到底喺宮上又有咩做呢？
首先佢哋要喺早上接近五點嘅時候起床梳洗打扮，繼而就按住自己嘅身份坐轎或者步行去搵太后請安。完成所有事之後，基本上就已經到早上八點，呢個時候佢哋就可以按照自己嘅身份享用早餐，至於可以食到咩完全就要睇妃嬪嘅身份，嬪位以下嘅妃子一星期就只有一次雞鴨可以食，而隔日就會有一次羊肉、豬肉，食嘅米就係比較差嘅陳粳米。
食完早餐之後，除咗皇后需要處理後官事務之外，其餘嘅妃嬪基本上唔會有太多事做，有部份甚至會做一點手工過下日晨。而喺午飯之後，妃嬪有身份嘅就可以去搵下太后，冇乜身份就可以聽個曲、捉個棋咁樣。而去到晚上，呢啲妃嬪如果冇被皇上翻到牌子，基本上九點左右就會就寢，所以生活喺現代人睇嚟都真係幾苦悶。
原圖嚟自網絡