同以往嘅朝代唔一樣,清朝喺選擇繼承人方面並唔係一定選嫡長子繼承,反而係喺眾多皇子當中挑選一個合適嘅繼承人,部份仲會直到帝皇死後先至公佈。喺清朝最輝煌嘅康乾盛世當中,雍正、乾隆之間嘅繼承對清朝國運有住重大影響,而令到呢件事可以順利進行,其實同雍正臨終前一個決定一個決定有關!
雖然雍正在位嘅時間只有十幾年,但喺康乾盛世當中佢絕對係一個重要角色,佢一系列改革令到清朝社會出現富裕嘅情況,亦令乾隆可以坐穩江山。到底係咩人可以影響到大清江山呢?答覆就係雍正自己嘅三仔弘時喇!
其實喺雍正仍未繼位之時,弘時就已經出生,但弘時並未太得到雍正寵愛,喺繼位之後為咗拉攏當時嘅八爺黨,弘時就被當成犧牲嘅棋子過繼到八阿哥之下,皇位嘅繼承喺呢刻亦都同佢無關!而喺後來八爺黨倒台之後,弘時就被除去宗籍而死。到底弘時犯咗咩錯而令雍正連親生仔都唔放過呢?喺《清皇室四譜》當中記錄,就形容弘時係「以行事不謹削宗籍死」,但具體因為咩事而被處死,就冇詳細記載。後世史學家就認為,弘時喺當時就已經被雍正察覺到心存異心,對經歷過九子奪嫡嘅雍正而言,大概就只有一個方法可以避免佢對弘曆造成威脅,所以連親生仔都唔可以放過!
原圖嚟自網絡