近排阿史都同史友們講唔少關於香港故宮文化博物館嘅故事，亦都相信唔少史友已經親身去過參觀。而受到疫情影響，阿史已經好多年冇去過北京嘅故宮博物館參觀喇！而近日，北京故宮博物館又有啲新搞作！
北京故宮博物院近日就公布咗《紫禁城365》App，通過故宮博物院嘅攝影團隊多年嘅拍攝記錄故宮美景，並且按照季節、地點等進行分類，令到觀眾可以通過呢個程式喺唔同時空欣賞到故宮美景。
除咗相片之外，《紫禁城365》App其實仲有答題、知識、故事等幾種體驗，用戶可以通過850餘個古建知識問答了解到宮殿建築知識、宮廷歷史故事，甚至仲可以通過全景建築走入重點宮區，近距離領略紫禁城建築之美。
而且，故宮博物院仲有推出每天更新一件院藏文物、「雲逛展」兩款兩款手機App應用，真係一次滿足幾個願望！
原圖嚟自網絡