阿史之前都講咗唔少三國故事，包括司馬氏點樣一步一步取代曹氏政權。其實响司馬氏取代曹氏之前，曹氏一族都唔係無反抗過，除咗曹爽想剷除司馬一族之外，曹丕之孫曹髦嘅曾經咁做，不過就被一個叫成濟嘅人殺咗。
响曹爽失勢後，司馬氏基本上已經控制咗魏國政權。當時嘅魏帝曹髦不甘心坐以待廢，，於是王沈、王經、王業等人率領宮人300幾人討伐司馬昭。司馬昭收到風聲後派兵入宮，仲同曹髦一眾人等相遇。司馬昭嘅兵將見到魏帝都唔敢妄動，太子舍人成濟就問賈充點算，賈充就話晉公平日蓄養你，就係用於今日，於是成濟衝到曹髦車前，一劍刺過去，殺咗曹髦。
成濟殺咗魏帝，不但無立功，後嚟更俾司馬昭以「大逆不道」之罪滅族。雖然成濟成就咗司馬昭，但就成為咗代罪羔羊。
原圖：《三國演義》劇照