早幾日阿史就同史友們介紹到,古代打仗果陣如果士兵不幸中箭,就算冇造成咩嚴重損傷都好,都會即時訓低扮死等待救援。當中原因除咗係因為古代弓箭嘅特殊結構以及箭頭上可能有毒藥之外,原來箭上仲可能存在一種極為恐怖嘅另類毒藥,就係「金汁」喇!
所謂「金汁」同黃金並無關係,由於提煉毒藥需要一定成本同埋時間,所以喺箭頭上應用毒藥就唔係咁普遍,反而「金汁」就真係可以做到取之不盡!其實「金汁」就即係人或者動物嘅排泄物,由於古代並冇太先進嘅醫療科技,而排泄物當中就存在大量嘅細菌,所以一旦傷口沾染到「金汁」,雖然唔會令傷者即時死亡,但就會慢慢受到嚴重感染,最終都係會死亡!
無論係喺提煉定係成本上睇嚟,「金汁」都比毒藥更加方使,所以喺戰場上就曾經廣泛出現,絕對係古代嘅「致命武器」!
原圖嚟自網絡