之前阿史介紹咗齊桓公响管仲倡議之下開設咗「國家妓院」，其實阿史早排睇內地古裝劇《夢華錄》後，阿史就想講講古代嘅官伎。
其實古代嘅妓女，咁唔係單單指性工作者，响古代嘅妓女，其實好多都係歌舞琴棋書畫樣樣精通，以才情去贏得尋歡客嘅歡心，亦因為咁有啲人就反而覺得去青樓先搵到真愛。而响唐代，就設立咗官伎制度，而呢種官伎其實係表演歌舞嘅專職藝人，專從事於官吏宴會時表演歌舞以助興。由於官伎係官府蓄養，平時駛嘅用嘅都係官府提供，所以平時生活有星級待遇。之不過，即使生活唔錯，但官伎都只屬賤籍，社會地位一啲都唔高，所以响宋代文獻就有唔少官伎被殺嘅記錄。亦因為咁，唔少人都話《夢華錄》對官伎係有所美化。不過，都係拍戲啫。
原圖：《夢華錄》劇照