喺古代嘅皇宮後宮之中，除咗皇帝、待衛之外，基本上唔容許有其他「男人」出現，而為咗令到後宮一切運作正常，所以又有「太監」呢個職業出現。喺歷史上，確實係有唔少太監都可以掌權，甚至仲可以凌駕喺朝中大臣之上，但做「太監」做皇帝又有冇得諗呢？
「太監」做皇帝喺歷史上真係發生過，據史料記載，就有一位叫做曹騰嘅東漢人，喺漢安帝時出任黃門從官，去到永寧元年佢就被鄧太后挑選做「配皇太子書」。曹騰深得皇太子喜愛，多次都得到賞賜，而後來呢位太子更加即位成為漢順帝，曹騰就順理成章成為漢順帝伴讀，喺本初元年更加仲因為定策迎立漢桓帝有功封侯，被封為費亭侯。
曹騰嘅仕途並未就咁完結，由於佢做事謹慎，一生侍奉咗四位皇帝，並且一直推舉賢能，呢啲舉動都令佢得到朝中大臣敬重。講到呢度，其實佢係點樣做皇帝呢？原來喺曹騰死後，佢嘅封爵由養子曹嵩繼承，而佢個大孫正正就係曹操。喺曹魏建立，曹騰玄孫曹叡就追封佢為高皇帝，巧妙地令佢成為中國歷朝所有皇帝及追尊皇帝中，唯一一位以「太監之身」做皇帝嘅人物。
原圖嚟自網絡