今時今日大家對於曹操、華陀呢兩個人物嘅印象，好多時候都係嚟自《三國演義》，而曹操殺華陀喺《三國演義》中描述，就係曹操擔心華佗開顱手術係假，為關羽報仇先係真，於是就對華陀狠下殺手。之不過，史實當然同《三國演義》中描述唔同，但原來對曹操嚟講，華陀都係必需死！
華佗係東漢末年方士、醫師，被後世將佢同董奉、張仲景並稱為「建安三神醫」。而華佗早年遊學徐州，兼通數部經書，因醫術精湛名氣漸大。而喺當時，曹操頭風病嚴重，頭痛起上嚟真係相當難頂。於是，曹操就派人三番四次請華佗治頭痛，但華佗每次都話妻子生病而唔肯出往。最後，曹操就發現佢老婆係扮病，直頭就派人捉咗華佗，喺謀臣荀彧求情之下，曹操都仍然堅決處死華佗。
咁到底當中有咩原因令到華佗唔肯醫病，而曹操又一定要殺死佢呢？原來喺華佗角度，自己其實身為一個「士人」，「醫術」只係一種學問，自己唔想以「醫者」身份多次出現喺曹操身邊，而《後漢書》當中更加形容華佗「為人性惡，難得意，且恥以醫見業」。所以，其實華佗並唔以行醫為榮，反而想做一個官多啲。
至於喺曹操角度，華佗呢種做法就係想佢小病養成大病，最終只能依靠華佗，所以喺華佗死後兩年，曹操亦都病情加重離世。
原圖嚟自網絡