尋日阿史介紹咗故宮消暑嘅設計，有史友就留言話以前啲皇帝夏天其中一個避暑方法就係去避暑山莊度個假。無錯！响清代最出名嘅避暑聖地就一定係承德避暑山莊。
承德避暑山莊位於依家河北嘅承德市，又名熱河行宮，係中國現存最大嘅皇家園林，係清代皇帝嘅夏季行宮，始於康熙四十二年，建成後獲賜「避暑山莊」之名。其實呢個地方除咗係用嚟避暑，仲有一個功能，就係處理國家大事喇！可能史友們會奇怪去得避暑點會做嘢，其實响清代皇帝避暑就同度假唔係同一概念，因為皇帝通常每年有成四五個月啲個度，所以好多朝政都要响避暑山莊處理。另外，呢個地方亦係接見邊疆少數民族首領同外國使節之地，就好似乾隆皇帝七十大壽慶典時，就响度接見西藏政教首領六世班禪。
所以話﹐承德避暑山莊點只避暑咁簡單。
原圖嚟自網絡