喺古代通訊科技並唔發達嘅時候，如果面對住瞬息萬變嘅戰場，係相當依賴前線將士嘅即時決定。之不過，點樣確定到行軍嘅將領係可信，係受到皇權嘅指使呢？咁就需要有呢件信物證明喇！
阿史所講嘅呢件信物，其實就係由古代皇帝專門為調兵遣將而設嘅符，由於多數都會用青銅製成伏虎形狀，所以又被稱為虎符。虎符最早出現喺春秋戰國，喺秦始皇統一六國之後就完全行使呢種制度。基本上嚟講虎符係唔存在完整嘅一件，事關喺製作完成後都會被分成兩半，左半就交由將帥、而右半就由皇帝保存，只有兩個虎符合二為一之時，將帥先至有權力調兵遣將。呢種制度出現嘅原因係避免將帥獨斷專行，甚至通過軍事行動造反。
雖然話就話係虎符係存在住獨特嘅地位，但歷史上真係打仗又係咪「只認虎符不認人」呢？事實上好多朝代唔單止係要求將軍使用虎符，甚至仲需要有皇帝發出嘅詔書先至可以統領兵馬。之不過，就算有咗呢種制度都好，仍然係有唔少士兵只聽從跟隨多年嘅將軍，要發生叛變依然都係有可能，虎符喺呢種情況亦都只係一個流程咁解！
原圖嚟自網絡