喺古代，如果提到對個人最為殘酷嘅刑罰，可能唔少史友都會諗起凌遲，但如果講到對群體最恐怖嘅刑罰，阿史就會諗起誅九族！雖然話就話誅九族，但到底係咪會殺曬所有人呢？今次阿史就同大家講一講啦！
誅九族呢種刑罰最早係喺秦變法之後所出現嘅「夷三族」演變而嚟，《史記·秦本紀》有載：「文公二十年，初有夷三族之罪。」最初牽涉到嘅三族分別有幾種講法，例如《周禮》當中係指父、子、孫，而《史記》就係指父母、兄弟、妻子。
而隨住君主為咗維護皇權，呢種刑罰亦都開始慢慢演變，去到隋唐時期就出現咗最早嘅誅九族。當中被誅嘅人正係楊素之子楊玄感，佢因為犯咗謀反罪而被誅九族，當中被誅之人就有父族四，即係「姑與其子、姊妹與其子、女兒與其子、己之同族」；至於母族受到牽連嘅就有「母之父族、母之母族以及姥之母族」，亦即係岳母嘅娘家；而妻族嘅姥之父族、姥之母族亦都係計算其中，一共九族所有相關人等都會被處死，真係殘忍！
原圖嚟自網絡