貨幣，無論喺任何朝代嚟講都係相當重要嘅一個元素，事關貨幣嘅存在其實係決定一個國家嘅交易方式以及對外嘅貿易。中國歷史上經歷咗多個朝代，歷朝歷代其實都會有自己嘅貨幣、銀兩，咁到底數量咁龐大嘅貨幣最終點解好似消失晒呢？
其實每個朝代嘅貨幣都有所不同，就好似秦朝嘅時候係以黃金以及銅錢作為流通貨幣，銀幣早期雖然都存在，但流通性就比較低。時間去到漢朝，當時就真正出現以銀作為材料嘅銀幣，一枚就已經可以買到千斤糧食，所以真係唔係人人都用到。而喺漢朝去到隋朝，貨幣又再次以黃金以及銅錢為主，直到唐朝又用返銀作為貨幣單位，黃金、銅錢、銀嘅地位不停交換。
咁問題嚟喇，到底本身歷朝歷代都有咁大量以黃金、銅以及銀等貴金屬整成嘅貨幣，但點解好似失晒蹤咁嘅？對於呢個問題，除咗因為清朝銀元外流之外，其實後世學者都有兩個講法，其一呢啲貴金屬都連同珍珠、瑪瑙、各種寶石作為陪葬品，安放咗喺貴族嘅墓地之中；其二，就係呢啲錢幣由於都係貴金屬，就被用作為各類首飾，咁所以歷朝歷代咁多錢幣就係咁樣被廣泛使用。
原圖嚟自網絡