繼續同史友們介紹我國嘅一啲特色歷史建築,上次就同史友們介紹咗僅憑一條原本柱就撐足千年嘅福建甘露寺。咁正常一座建築長年都必定會喺同一個位置唔會忽然消失,之不過喺我國其實又真係有一座「古城」,一年先至會出現一次,到底當中有咩原因呢?阿史今次就同大家講一講啦!
喺我國最大嘅淡水湖鄱陽湖嘅中心,喺一年好多嘅日子當中,呢度都係充滿住湖水,但史友們又有冇諗過,當湖水下降之時,湖嘅中心係存在住一座建築呢?喺湖鄱陽湖嘅中心,其實就係「落星墩」所在之處!「落星墩」又名落星石,早喺南北朝時期《水經注·卷三十九·廬江水》當中就有提到呢座建築物嘅一啲細節「落星石,周回百餘步,高五丈,上生竹木,傳曰有星墜此以名焉。」
落星墩嘅面積其實唔大,長年浸喺水中嘅建築好似牌坊、禪院、觀景台等其實就係按照建築原貌所修繕,由於真係只有喺鄱陽湖枯水期先至會出現,所以每年都會有唔少遊客慕名而嚟睇一睇,真係夠意思!
原圖嚟自網絡