呢排阿史都同史友們講咗唔少後宮妃嬪發生過嘅故事,喺呢個充滿三千佳麗嘅後宮人多自然就係是非多。之不過,唔知史友們又知唔知道,後宮嘅呢啲佳麗又係點樣嚟呢?今次阿史就同大家講一講選秀啦!
其實喺清朝時期,每隔三年都會舉行一次大型嘅選秀女,目的當然係想挑選滿、蒙、漢八旗官員嘅大家閨秀入宮做妃子。之不過,要喺咁多嘅女子當中挑選合適嘅人本嚟就唔容易,當中唔單止要考慮到女子嘅家世、外型,舉止端莊,仲會涉及到權貴之間嘅賄賂或者拉關係,要成功被選中自然就係困難!被選中嘅秀女自然就係入宮啦,雖然佢哋係有機會可以成為妃子,但亦都有可能喺宮鬥當中落敗,淪為底層宮女,甚至仲連累埋家族。
咁冇被選中嘅人又會有咩出路呢?其實呢啲落選秀女除咗可以返屋企接受家族婚姻之外,仲好有可能喺選秀現場就被其他貴族之家相中去做兒媳,從而增加大家嘅政治籌碼,呢一點喺滿族官員選完之後,漢族官員都一樣會照做。
原圖嚟自網絡