無論喺任何朝代，一個政權擁有最大權力嘅人本來都必然會係皇帝，之不過喺清朝，就好神奇地曾經有兩個人物出任嘅職位，所擁有嘅權力甚至仲誇張過皇帝，到底係咩人可以咁做呢？今次阿史就同大家講一講啦！
要知道喺制度上，其實清朝初期好多方面都係沿用明朝嘅舊制，設內閣，置六部，但呢啲情況都係相當講求帝皇嘅個人能力，咁如果帝皇能力太差又或者仍然係幼童，又有咩方法可以確保政權穩定運行呢？答案就係「攝政王」呢個職位喇！
喺清政府入關後，皇太極猝死之後留低年幼嘅兒子繼位為順治皇帝，尚係幼童嘅佢無力執政。雖然多爾袞掌有正白旗與鑲白旗，足以去爭奪皇位，但佢最後都係選擇扶持皇太極之子承大統，自己就以攝政王身份實際掌權。喺當時嚟講，雖然名義上順治先至係皇帝，但國家嘅大大小小事務都係由多爾袞執掌，權力比皇帝更大。除咗多爾袞做過攝政王之外，歷史上另一位做過呢個職位嘅人其實就係代皇帝溥儀生父載灃，喺光緒、慈禧相繼病逝後，國家真正嘅話事人就係佢。
隨住清朝滅亡，攝政王呢個崗位亦都只係得兩個人做過，權力大過皇帝嘅官職，真係估佢唔到！
原圖嚟自網絡