繼續同史友們介紹我國歷史上一啲殘酷刑罰，以往都同史友們講過每個朝代為鎮壓反對勢力，對於一啲犯謀反大罪嘅人都會用上「凌遲」、甚至「點天燈」等等嘅刑罰。「凌遲」、「點天燈」呢啲刑罰一聽就知唔簡單，但以下阿史要介紹嘅「冰刑」，大家就咁聽都可能以為好溫和，但其實對人嘅影響將會係一世！
「凌遲」、「點天燈」自然就係為咗折磨人並且取去人嘅性命，但「冰刑」就唔係咁嘅目的。「冰刑」實際上就只會對皇室貴族使用，最大嘅特點就係唔去取去人嘅生命，但當有後宮女子得知會受呢種刑罰，其實係寧願自盡都唔會受刑！
所謂「冰刑」其實就係要罪犯坐喺冰塊之上，喺冰融化之前仲會不斷加上新嘅冰，務求令到受刑者成個下半身失去知覺。可能就咁聽大家都覺得冇乜事，但其實受刑者多數都係女性，喺受刑前就已經需要一絲不掛咁坐喺冰上，對古代保守嘅女子嚟講咁樣已經係一種精神打擊。繼而喺冰刑進行之時，佢哋全身都會麻痺，有啲情況仲會出現失禁、癱瘓，睇落好似比較溫和嘅懲罰，但其實會係令人下半世都生不如死！
原圖嚟自網絡