早幾日阿史就同史友們介紹咗古代刑罰「誅九族」到底會誅到咩人，而類似牽涉到親屬關係嘅仲有「六親不認」呢句，咁到底「六親」係指邊啲親戚呢？阿史今次就同大家講一講啦！
喺古代封建嘅社會當中，相當講求長幼有序，嫡庶分明，所以對於「六親」其實係有明確嘅定義，之不過呢啲定義喺唔同朝代又會有啲分別！簡單嚟講，古代對於「六親」嘅理解就分成以下幾種！
其一，喺《左傳》當中所指嘅「六親」，係包括父子、兄弟、姑姑、甥舅、婚媾以及姻亞；喺《老子》當中就認為「六親」係指父子、兄弟和夫婦。就咁睇呢兩個講法其實都有所不同，而同現今社會理解嘅「六親」最為相近嘅就係東漢學者應劭對《漢書》嘅註解，亦即係「父、母、兄、弟、妻、子」。
由於單單係古代對「六親」咁唔同嘅睇法，所以好難去判斷邊啲親屬關係先至係明確嘅「六親」，但可以肯定「六親」必定會包括父、子、兄、弟，唔知史友們又點睇呢？
原圖嚟自網絡