以往介紹到二戰後期點解日本會選擇投降，可能唔少史友都會諗起係因為美國嘅兩枚原子彈，但其實在此之前仲有一場相當恐怖嘅「東京大轟炸」值得同大家介紹一下。
其實喺二戰期間，美國本來就唔想參與太多戰事，特別係亞洲呢邊嘅戰線。之不過喺1941年12月，日軍就發動偷襲珍珠港嘅軍事行動，事件令到5000名美國軍民傷亡，仲破壞咗美軍4艘戰列艦、2艘驅逐艦以及200架飛機。為咗回應事件，美軍就決定有仇報仇，喺其後多次都同日軍展開激烈戰爭，死傷無數，仇恨亦都愈來愈深。
隨住世界局勢嘅轉變，日軍已經節節敗退，喺1945年3月10日，美軍就分別出動334架B-29戰略轟炸機，對日本展開地毯式轟炸。喺10日嘅時間內，當時美軍就已經投下2000多噸燃氣彈以及幾十噸汽油，東京面積四分之一瞬間化為火海、22個工業目標全部被摧毀、83793人被燒死，10萬人被燒成重傷。
但轟炸仍未停止，喺接下嚟嘅幾個月，大轟炸仍然持續，名古屋、大阪、神戶都相繼成為目標，最終有14萬平民百姓被炸死，35萬人受傷，數百萬人流離失所！
原圖嚟自網絡