作為明清兩代皇室居住嘅宮殿，北京故宮無論係喺整體建築設計定還是局部嘅用料，都係採用當時最好嘅物料。之不過，如果史友們有去過北京故宮，有遊覽過養心殿嘅話，唔知史友們又覺唔覺得，養心殿好似長期都陰冷潮濕呢？
養心殿呢個宮殿係作為皇帝起居嘅宮殿，而皇帝亦係貴為「真龍天子」，到底點解佢日常起居嘅宮室之中竟然係會陰冷潮濕呢？唔通喺故宮死去嘅冤魂作怪？事實當然唔係咁，而係同古代建築嘅智慧有關！
要知道喺古代並冇冷氣呢樣發明，夏天天氣炎熱，而冬天亦係相當寒冷，點樣可以令到一座建築喺夏天同冬天都維持喺差唔多溫度呢？除咗有阿史之前介紹過喺牆壁入手之外，其實養心殿嘅天花板亦都有巧妙之處！喺故宮進行翻修檢查之時，工作人員就喺天花板發現到兩條管道，分別係用嚟排水以及排煙，排水嘅一條管道就可以令室內嘅人覺得無比清涼，而排煙嘅一條就可以喺冬日感受到熱氣流動。
時至今日，養心殿內再無人居住，兩條管道亦都已經荒廢，冇咗人氣之下，自然就令人感覺好似好陰暗潮濕喇！
原圖嚟自網絡