關於「尼斯湖水怪」係咪真實存在，咁多年嚟都有正反兩面嘅聲音，就算有好多「證據」想嘗試證實水怪嘅存在，往往都被質疑係造假。咁到底事實係點樣呢？可能撒哈拉沙漠1億年河系嘅呢樣考古發現就幫到大家可理解呢件事！
近期喺科學期刊《Cretaceous Research》入面就有一項最新嘅考古研究指出，一直被認為外形同「尼斯湖水怪」相似嘅蛇頸龍可能唔單止可以生活喺鹹水當中，淡水可能都係佢哋嘅生存地之一！喺研究當中就指出，有考古團隊喺撒哈拉沙漠發現3公尺長成年蛇頸龍骨頭與牙齒化石以及1.5公尺長幼年蛇頸龍臂骨。呢項發現就反映當時蛇頸龍係可以生活喺撒哈拉沙漠1億年歷史嘅河系當中，喺淡水當中生活絕對唔係問題。
由呢項發現再引伸出去，如果「尼斯湖水怪」就係蛇頸龍嘅後代，咁以為認為蛇頸龍唔能夠生活喺淡水當中嘅理論亦都被推翻，咁「尼斯湖水怪」會唔會真實存在呢？呢一點亦都令到唔少「水怪迷」相當振奮，唔知史友們又點睇呢？
原圖嚟自網絡