唔知史友們有冇留意到，其實喺中國悠久嘅歷史當中，「漢朝」都只係咁多個朝代當中其中一個朝代，但喺今時今日我哋都會自稱自己係「漢人」，寫嘅係「漢字」，傳承嘅係「漢文化」，但點解又唔係「周」或者「秦」呢？到底當中有咩原因，阿史今次就同大家講一講啦！
其實喺中國歷史上，係存在過幾個強大並且統一嘅王朝，就好似秦、唐、明等等，喺呢啲強大王朝嘅時期，其實當時嘅人都會自稱為秦人、唐人、明人等，但點解嚟到今時今日大家都仲會叫自己做漢人呢？大概就有以下幾個原因！
其一，就係漢朝歷史嘅地位喺中國歷史上嚟講實在太過重要，喺真正嘅意義上，漢朝其實真係做到天下歸心。雖然我哋都知道真正做到大一統嘅王朝係秦朝，但真正為中華文明嘅延續打下堅實基礎嘅就係漢朝時期。四百年嘅漢朝國祚亦都成功令到「漢」以及其背後嘅歷史嘅厚重充分展現。
而且，喺漢朝之前，中國歷史上並冇咩盛世可言，反而經歷過歷代漢朝先帝勵精圖治、漢朝國力空前強盛，甚至仲可以通西域，呢啲事件都令當時嘅漢人最為自豪，亦令「漢人」呢個稱呼繼續流傳於世！
原圖嚟自網絡