近排阿史都同史友們介紹咗唔少末代皇帝溥儀嘅歷史故事,作為晚清最後一位皇帝,後世對佢嘅評價幾乎都係懦弱無能、傀儡皇帝等等。但如果我哋認真睇返歷史,可能會有另一種感覺就係,其實佢好多情況都係身不由己。前半生嘅溥儀好多事都唔輪到佢選擇,咁戰後佢嘅經歷又係點呢?今次阿史就同大家講一講啦!
喺變返平常百姓之後,溥儀嘅生活其實都變得平常,佢先係從事過北京植物園賣票嘅工作、亦都成為資料研究員專門撰寫清朝歷史,總算係搵到適合佢自己嘅工作。而喺佢1950年自蘇聯返國後,當時作為北京植物園賣票員嘅佢,就因為一次工作安排而重新入到曾經係佢居住嘅地方,北京故宮。
要知道如果要比對故宮嘅熟悉度,可能只有晚清嘅太監先比得上溥儀,但當時溥儀呢次行程當中,係有導覽員邊行邊介紹。喺大家都路過一個宮殿之時,導覽員就介紹當中有一個「清朝末期後花園的花瓶」。但溥儀聽到之後就真係忍唔住笑,事關呢個其實係自己嘅「尿壺」,因為自己細個好貪玩,經常都會將花瓶、尿壺掉包,就連太監都唔知呢啲事,更何況係一個後來先至認識故宮嘅導覽員。
導覽員即時就知道溥儀嘅真正身份,仲嚇到唔敢再介紹落去,但亦都藉機向溥儀請教好多宮中,都算係另一種「獲益」!
原圖嚟自網絡