一個美國政客竄訪台灣，激起十四億中國人不滿情緒，唔少人都認為呢次美國小動作係存心挑釁中國，仲有唔少網民突然貼出汪阿姐首《勇敢的中國人》出嚟應援，真係民族情緒爆燈！
《勇敢的中國人》係四十年前大台電視劇《萬水千山總是情》嘅插曲，呢首由顧嘉煇作曲、黃霑填詞嘅插曲，响劇中其中一段係日本侵華時中國人面臨國破家亡，一班學生（包括戲中汪阿姐）上街遊行示威，而呢首歌就放咗响劇情學生抗日運動嘅呢一幕情節播出，全民抗日果種民族主義情緒爆晒燈。亦因為呢首歌，令汪明荃為當時大中華地區廣大同胞所認識，名氣更上一層樓，《勇敢的中國人》亦成為華人世界中其中一首琅琅上口嘅民族主義歌曲。
原圖：《萬水千山總是情》劇照