美國眾議院議長佩洛西竄訪台灣，唔單止令到兩岸關係非常緊張，同時亦都令到唔少國人深思台灣呢片土地嘅歷史同意義，當中就有唔少網友提到當年鄭成功係點樣率領大軍收復被外國人侵佔38年嘅台灣。
喺明朝滅亡、清朝政權建立嘅時代背景之下，當時反對降清嘅國姓爺鄭成功就帶同軍隊出走繼續反清復明，當時喺1650年就年先後功下廈門、金門島作為抗清基地，當時佢手上就擁有20萬大軍以及大小船舶5000艘。喺驕傲自滿、指揮不當等原因之下，鄭成功呢支20萬大軍雖然圍困南京多時，但最終都係被清軍打敗，甚至連福建呢個根據地都遇到反攻。
痛定思痛之下，鄭成功深知自己要再搵一塊新根據地凝聚軍心，佢當時就諗到台灣。台灣對鄭成功嚟講唔單止係中國嘅土地，同時亦都係佢父親留畀佢嘅禮物，必須從荷蘭人手中奪回。雖然呢個決定受到佢唔少部下反對，但鄭成功最終喺1661年就帶領2萬名士兵喺廈門出發，展開收復台灣之戰。
鄭成功先係短時間內攻下赤嵌城、圍困熱蘭遮城之時，佢就曾經勸降對方長官，直言「台灣者中國之土地也，久為貴國所踞，今余來索，則地當歸我，珍瑤不急之物，悉聽而歸。」最終，喺1662年，荷蘭殖民當局簽字結束荷蘭侵略者侵佔台灣38年嘅歷史，台灣正式回歸祖國！
原圖嚟自網絡