以往阿史都同史友們介紹過唔少出土文物甚多、被盜得最慘烈嘅墓葬,之不過史友們又知唔知中國歷史上盜洞最多嘅墓葬係邊一座呢?今次就同史友們講一講秦公大墓!
喺度先唔賣關子,秦公大墓至今為止就一共被發係有247個盜洞,直頭就係中國歷史上盜洞最多嘅古墓。到底呢個墓嘅墓主係咩人,會引嚟咁多盜墓賊呢?根據考古團隊研究大墓當中發現石磬,經過破解後石磬上刻有嘅特殊銘文正正就係記錄咗一次宮廷宴樂活動,當中「共桓是嗣」直指墓主身份就係共公和桓公嘅繼承人,亦即係齊景公。
得知墓主身份後,阿史就想帶史友們體驗一下乜嘢先叫做「大墓」!河南安陽侯家莊商代王陵、比湖南長沙馬王堆一號漢墓可能喺唔少史友們心目中已經好大,但秦公大墓比呢兩個墓葬都分別大上10倍以及20倍。大墓平面呈「中」字型,東墓道長156.1米,西墓道長84.5米;至於墓室內就,東西長59.4米,南北寬38米,真係誇張!而最誇張嘅係,呢個墓葬竟然深24米,難怪有咁多個盜洞之下,墓內嘅文物仍然保存完整!
而喺墓內,考古團隊就發掘出自西周以來數目最多嘅人殉,足足達到186具,並且墓主仲係用上只有周天子先可以享用嘅「黃腸題湊」槨具,仲連帶有3000幾件精美金器、玉器、鐵器、石器、骨器等等,難怪一發掘出嚟就創下中國考古史多項「第一」!
原圖嚟自網絡