呢排阿史就同史友們講咗唔少日據時期之下台灣人民面對嘅苦難，先後遭遇三鶯走廊大屠殺、雲林大屠殺，數以萬計嘅台灣人民無辜慘死。除咗武力鎮壓，日本喺台灣亦都實行所謂「皇民化管治」，喺各方面都實行日本化，甚至喺戰情危急之下仲將台灣士兵送上戰場，今次阿史就同大家講一講啦！
喺日據時期，當時日軍就用盡方法嘗試招募「日籍台灣兵」，簡單嚟講就係台灣人投身一場同佢哋無乜關係嘅戰爭。咁到底有咩方法可以令人明知有危險都照樣去參軍呢？除咗提高從軍人員待遇外，當時日軍仲諗到一招就塑造社會氣氛，令到社會各界都認為「不當兵非男人」。再加上二戰後期「盟軍大轟炸台灣」，事件就令到唔少台灣青年有「守護」台灣嘅決心。
日軍就利用咗台灣青年呢種心態，喺繼1942年招募「特別志願兵」後，1945年再發動「台灣兵全面徵召」，當中有八萬人可以成功當兵，但有多達十二萬人就係以軍屬嘅形式參軍，唔少更加係以「義務役」嘅形式參與，真係有血出，冇糧出！
原圖嚟自網絡