之前阿史提及過1914年發生响日據台灣時期嘅「太魯閣事件」,當時已經提日本政府响台灣實行一個「五年理蕃計劃」,今次阿史就講多少少呢個「計劃」。
响1910年至1915年,日本响台灣推行左一個計劃「五年理蕃計劃」,推行呢個計劃嘅人就係「總督」佐久間左馬太﹐目的係迫使全台灣原住民歸順。呢個計劃主要分兩個階段,第一個階段就係先解決北部嘅原住民,例如將普通社會同原住民社區分隔嘅隘勇線不斷縮窄。第二階段就係解決中部同南部嘅原住民。雖然話係分兩個階段,但其實日本都係以武力手段去鎮壓。呢個計劃唔單止要令台島各個原住民歸順,仲有一樣更重要嘅嘢,就係要將原住民各部所佔嘅森林地區全數受日本人控制。簡單而言,呢個理蕃計劃其實算係「消滅」台灣原住民嘅手段,包括佢哋嘅原始部落文化同生存模式。而响呢個理蕃計劃完成後,大部分原住民部落都歸順日本,但有啲其實係口服心不服,最後都係發生咗件大事。至於係乜嘢事?下回分解。
原圖嚟自網絡