相信唔少有去過福建旅行嘅史友都必定會慕名去睇一睇全國現存最長嘅木拱式廊橋、位於福建屏南嘅萬安橋。之不過，如果史友們想再見到呢座900年歷史嘅古橋，似乎真係需要等重建之後！
就喺尋晚，萬安橋就被發現突然失火，雖然村內已經即時組織滅火行動，但喺風勢之下大橋嘅火勢好快蔓延開去，近百米嘅長橋就只係得返橋頭部分完整。隨住武夷山市餘慶橋2011年燒燬，再加上今次萬安橋起火，呢類大型木拱廊橋真係愈來愈少喇！
萬安橋由於位於屏南縣長橋鎮長橋村，所以又名「龍江公濟橋」。喺《玉田誌略》記載，最初嘅萬安橋係喺北宋始建，清康熙四十七年焚燬後，又於乾隆七年重建，及後又分別喺乾隆三十三年、民國初年被焚燬，真係多災多難。如今家所見到37開間152柱嘅萬安橋，就係喺民國二十一年（1932年）再度重建，並且喺1952年重建維修而成嘅！
原圖嚟自網絡