唔知史友們有冇聽過一個傳說，就係喺二次世界大戰期間，德國納粹黨喺世界各地掠奪咗唔少黃金返嚟。由於考慮到各種因素，為咗可以好好保存黃金，佢哋就將呢啲黃金分批收藏到世界各地。
雖然呢個話就話係傳說，但歷年嚟都有唔少學者認真研究黃金確切埋藏咗喺邊度。近日Polish-German Silesian Bridge Foundation呢個基金會就表示，已經得到一個黃金可能嘅所在地嘅當地政府許可，可以針對相關遺址進行考古發掘！
據了解，呢個基金會就喺德國奎德林堡鎮（Quedlinburg）共濟會（Freemasonry）嘅旅館得到一本日記，當中疑似就係化名Michaelis嘅納粹重要政治頭目希姆勒Heinrich Himmler所寫嘅日記，當中就提到一批重達28噸納粹黃金埋藏地點。由於有咗呢一份確實嘅證據，考古團隊就打算針對相關遺址進行挖掘，相關嘅地點仲多達十個！到底最終「納粹黃金」傳說會唔會得到證實呢？阿史真係拭目以待啊！
原圖嚟自網絡