一個新冠疫情搞到香港飲食業好難做,就連百年老字號蓮香樓都要結業收場。
位於中環嘅蓮香樓,於1889年响廣州開業,到咗1918年就响香港開設分店。蓮香樓除咗「一盅兩件」傳統粵式飲茶文化出名外,仲首創蓮蓉餡料令佢哋糕點包括月餅風行珠三角。而香港分店曾經歷過多次搬遷,1996年搬到威靈頓街同鴨巴甸街交界。講到香港蓮香樓,除咗一啲好難响外面食到嘅傳統點心如豬潤燒賣、淮山雞扎、雞絲粉卷外,仲令人難忘就應該係枱底有個痰罐,呢個其實係傳統粵式酒樓一大特色。不過,百年蓮香樓都要結業,香港又少個景點,唉...
原圖:takungpao